புனித மக்சிமிலியான் கோல்பே, அருள்பணியாளர், மறைசாட்சி — நினைவுத்திருநாள்

ஆண்டவரின் வார்த்தை எனக்கு அருளப்பட்டது: "மானிடா! எருசலேமுக்கு அதன் அருவருப்பான செயல்களை வெளிப்படுத்து. ஆண்டவராகிய கடவுள் எருசலேமுக்குக் கூறுவது இதுவே: உன் தோற்றமும் பிறப்பும் கானான் நாட்டைச் சேர்ந்தவை. உன் தந்தை ஓர் எமோரியன்; உன் தாய் இத்திய இனத்தவள். உன் பிறப்பைப் பொறுத்தமட்டில், நீ பிறந்த நாளில் உன் தொப்புள் கொடி அறுக்கப்படவில்லை; சுத்தமாவதற்கு நீ தண்ணீரில் கழுவப்படவுமில்லை; உப்புக் கொண்டு தேய்க்கப்படவுமில்லை; துணிகளால் சுற்றப்படவுமில்லை. இவற்றில் எதையேனும் உனக்குச் செய்து உன்மீது பரிவோ இரக்கமோ காட்ட எவருடைய கண்ணும் உன்னைப் பார்க்கவில்லை. மாறாக, நீ பிறந்த நாளன்றே வெறுக்கப்பட்டு, வெட்டவெளியில் எறியப்பட்டாய். அப்போது நான் உன்னைக் கடந்து சென்றேன்; நீ உன் இரத்தத்தில் புரள்வதைக் கண்டேன். இரத்தத்தில் புரண்ட உன்னிடம், 'வாழ்வாயாக!' என்றேன். வயல்வெளிச் செடியைப் போல உன்னை வளரச்செய்தேன். நீ வளர்ந்து பெரியவளானாய்; உன் மார்புகள் திரண்டன; உன் கூந்தல் வளர்ந்தது; ஆனால் நீ இன்னும் ஆடையின்றி நிர்வாணமாகவே இருந்தாய். மீண்டும் நான் உன்னைக் கடந்து சென்றபோது, நீ காதலுக்குரிய வயதை அடைந்திருந்ததைக் கண்டேன். எனவே, என் மேலங்கியின் தொங்கலை உன்மீது விரித்து உன் நிர்வாணத்தை மூடினேன். உனக்கு ஆணையிட்டு உன்னோடு உடன்படிக்கை செய்துகொண்டேன்; நீயும் எனக்கு உரியவளானாய், என்கிறார் ஆண்டவராகிய கடவுள். பின்னர் உன்னைத் தண்ணீரில் ஆட்டி, உன் இரத்தத்தைக் கழுவி, உனக்கு எண்ணெய் பூசினேன். உனக்குச் சித்திரத் தையல் ஆடை உடுத்தினேன்; மெல்லிய தோலாலான காலணிகளை மாட்டிவிட்டேன்; மெல்லிய ஆடையையும் பட்டுப் போர்வையையும் உனக்கு அளிதேன். உன்னை அணிகலன்களால் அழகுபடுத்தினேன்: உன் கைகளில் வளையல்களையும், கழுத்தில் மாலையையும் அணிவித்தேன். மூக்குத்தியையும் தோடுகளையும் உன் தலையில் எழில்மிக்க முடியையும் சூட்டினேன். இவ்வாறு பொன்னினாலும் வெள்ளியினாலும் நீ அலங்கரிக்கப்பட்டாய். மெல்லிய ஆடைகளும் பட்டும் சித்திரத் தையலாடைகளுமே உன் உடைகளாயின. கோதுமை மாவும் தேனும் எண்ணெயுமே உன் உணவாயின. நீ மிக மிக அழகாய் விளங்கி, அரசிக்குரிய மாட்சி பெற்றாய். நான் உனக்கு அளித்த என் எழிலினால் உன் அழகு நிறைவுற்றுக் மக்களினத்தரிடையே உனக்குப் புகழ் ஓங்கியது, என்கிறார் ஆண்டவராகிய கடவுள். ஆனால், நீ உன் அழகில் மயங்கி, உன் புகழைப் பயன்படுத்திப் பரத்தமை செய்தாய்; வழிப்போக்கர் அனைவருக்கும் உன்னை அற்பணித்தாய். ஆயினும், உன் இளமைப் பருவத்தில் உன்னோடு நான் செய்த உடன்படிக்கையை நினைவுகூர்வேன்; உன்னோடு என்றும் நிலையான உடன்படிக்கை ஒன்றை ஏற்படுத்துவேன். நான் உனக்குச் செய்த அனைத்தையும் மன்னிக்கும்போது, நீ உன் நடத்தையை நினைத்து நாணுவாய்; வெட்கத்தால் வாய் திறக்கமாட்டாய், என்கிறார் ஆண்டவராகிய கடவுள்."

பல்லவி: ஆண்டவரே, உமது சினம் தணிந்தது; நீர் எனக்கு ஆறுதல் அளித்தீர். இறைவனே என் மீட்பர்; நான் நம்பிக்கையோடு இருப்பேன், அஞ்சமாட்டேன்; ஆண்டவரே என் ஆற்றல், அவரே என் பாடல்; அவரே என் மீட்பரானார். நீங்கள் மகிழ்வோடு மீட்பின் ஊற்றுகளிலிருந்து தண்ணீர் முகந்துகொள்வீர்கள். பல்லவி ஆண்டவருக்கு நன்றி செலுத்துங்கள்; அவர்தம் பெயரைப் போற்றுங்கள்; மக்களினங்களிடையே அவர்தம் செயல்களை அறிவியுங்கள்; அவர்தம் பெயர் உயர்ந்தது எனப் பறைசாற்றுங்கள். பல்லவி ஆண்டவருக்குப் புகழ் பாடுங்கள்; ஏனெனில் அவர் மாட்சியுறு செயல்களைப் புரிந்துள்ளார்; அனைத்துலகும் இதை அறிந்துகொள்வதாக. சீயோனில் வாழ்வோரே! ஆர்ப்பரித்து மகிழுங்கள்; ஏனெனில் உங்களிடையே இருக்கும் இஸ்ரேலின் தூயவர் மாண்புமிக்கவர். பல்லவி

அக்காலத்தில் பரிசேயர் சிலர் இயேசுவை அணுகி, அவரைச் சோதிக்கும் நோக்குடன், "எந்தக் காரணத்திற்காகவாவது ஒருவர் தம் மனைவியைத் தள்ளுவது முறைதானா?" என்று கேட்டனர். அவர் மறுமொழியாக, "படைப்பின் தொடக்கத்திலேயே படைத்தவர் 'ஆணும் பெண்ணுமாக அவர்களைப் படைத்தார்' என்பதையும், 'இதனால் கணவன் தன் தாயையும் தந்தையையும் விட்டுத் தன் மனைவியோடு ஒன்றித்திருப்பான்; இருவரும் ஒரே உடலாய் இருப்பர்' என்று கூறியதையும் நீங்கள் படித்ததில்லையா? எனவே, இனி அவர்கள் இருவர் அல்ல; ஒரே உடல். ஆகையால் கடவுள் இணைத்ததை மனிதன் பிரிக்காதிருக்கட்டும்" என்றார். அவர்கள் அவரிடம், "அப்படியானால் மணவிலக்குச் சான்றிதழ் கொடுத்து மனைவியை அனுப்பிவிடலாம் என்று மோசினிகழ்ந்த கட்டளை ஏன்?" என்று கேட்டார்கள். அவர் அவர்களிடம், "உங்கள் உள்ளக் கடினத்தைக் குறித்தே உங்கள் மனைவியரைத் தள்ள மோசே உங்களுக்கு அனுமதி அளித்தார். ஆனால் தொடக்கத்திலிருந்தே இந்நிலை இல்லை. நான் உங்களுக்குக் கூறுகிறேன்: பரத்தமை குற்றத்திற்காக அன்றித் தம் மனைவியைத் தள்ளrange செய்து வேறு ஒருவரை மணப்பவர் எவரும் விபச்சாரம் செய்கிறார்" என்றார். சீடர்கள் அவரிடம், "கணவன் மனைவி இடையேயான நிலைமை இத்தகையது என்றால் திருமணம் செய்யாமலிருப்பதே நல்லது" என்றார்கள். அவர் அவர்களிடம், "எல்லாராலும் இப்போதனையை ஏற்றுக்கொள்ள முடியாது; அது யாருக்கு அருளப்பட்டுள்ளதோ அவரே ஏற்றுக்கொள்ள முடியும். ஏனெனில், பிறவியிலேயே திருமணத்திற்கு இயலாதோர் உண்டு; மனிதரால் அவ்வாறு ஆக்கப்பட்டோரும் உண்டு; விண்ணரசை முன்னிட்டுத் திருமணத்தை வேண்டாம் எனக் துறந்தோரும் உண்டு. ஏற்றுக்கொள்ள முடிபவர் ஏற்றுக்கொள்ளட்டும்" என்றார்.